gbesana yɔ́á le

Yɔ̀à Ɓékà bo yɔ́a le náà njá ̀Ɓàŋgàndò. Mbwalá wi sikinɔ́ nɛ̀náǎ wɛ̀ɛ̀lí ŋga tɔkáà yetɛ́tɛ̀wi, ɓɛ̀ sikí kà yoá bo nɛ́ gwèà dɛɛ ɓékà ǎ, mɔɔ dɛ̂ nɛ è njá yèle à í mɔ̀ɔ̀wɛ̌, yoá kuu ndúmù kà yoá ba a wesɛ̀ɛ̀ dɛ̂. Náá yɔ̀à wɛ́ à kunjíɗì ǐ, yoá ɓaa súa ɓɔɔnya mɔ́ yèle mɔɔ dɛ̂ nɛ è yɔ̀à à pelé dòlàwɛ. Mɔ̀ɔ̀wɛ̌ kà yoá bó kii nyɔ̂, dɔ̌, yekwála, yemboɗî, nɛ̀ yepío mɔ́ kà bo lukisi yɔ́à à.

Abáti líswee yɔ́à ǎ, ì lufini yólamɔ́ yémboni, ì yoosi yoá ndùlà nɛ̀ yesaa kɔ́ndù, kà ì kuu yɛmbɛ liŋgíɗì a sɔ́ɔ́ti yoà. Jɛ̀ nɛ̀ kììtû a jɛ́ wààtà ǎ i bo à ɗuŋgólo yoá nɛ̀ ha yoá mbwàlà. Liswee gwáàsà yoá, kà ì ɓoɗi yoá a ŋgɔ́ɔ́ yeɓáá yéwi, nɛ̀ yɔɔ yɔ́à hɔ nɛ a ɓɛ́ sokó kà ì bo gwaasi yoá à.

Kɛ̀ bo yɔ́a sápasa gála fió nàà njá ɓàŋgàndò. Kɔ́ɔ́ɗo fio má wi a jáá sikí lě, kà wi síkinɔ́ nɛ̀náǎ wi wɛ́ɛ́lí yoli ŋgɔ́mɔ̀ mɔɔ ɗíyáàkìsì nɛ́ è i bo a gála fiò. A pèmbè sìkìnɔ́ nɛ̀náǎ wɛ̀ɛ̀lí pelǎ, kà yáli wáɓɛ̀ɛ̀ kà fèa ǎ ba yɔ́a kpɔ́ɔ ŋgɔ́mɔ̀ mɔɔ dɛ̂ nɛ́ è yoá à yolé tɛ̀tɛ̀ mɔ̀kanda. Mɔ̀ɔ̀wɛ peli a yóa le mɛ́ kà ɔ boa jɔ́ɔ́ wɛɛ̀. Yeɓɛ́wi nɔ́ɔ́ kà yoá gbasa ŋgɔ́mɔ̀ à boa lɛɛ nɔ́ yɔ́ɔ̀ ɓɛ̀wi nɔ a yɔɔ yɔ́à à a fíí yòà. Yoá lɛnɔ́ a ŋgɔɔ yefɛ̀, mà wi síkinɔ́ nɛ̀ póta wáɓɛ̀ɛ̀ kà fea báà, mɔɔ mbô nɛ a ɓɛ́wi nɔ́ gbesanawɛ a líswee wɛɛ̀.

Mɔ̀ɔ̀wɛ̌ kà bó è náǎ yeɓɛ́wi nɔ́ a kinó dɛ̀ à lɛnɔ́ a ŋgɔ́ɔ́ yefɛ́ mɔɔ dɛ̂ nɛ è yoá à imbíɗì à má mbúnù na, hɔ nɛ a ɓɛ́ sokó kà ì ɓɔ́ɔ́nya a wéé yoá à.

kùòwɛ:

Yɔ̀à kpɔ́ɔ́ ŋgɔ́mɔ̀

Voulez-vous partager ce que vous avez appris de cette Écriture aujourd'hui ?

Votre encouragement nous est précieux

Vos témoignages contribuent à rendre possibles des sites web tels que celui-ci.