Nàà ɔɔ

ɔ bo yeɓáŋgàndò, ɔ dunú nàà kɔa Mɔ́lòndo yɔ́ɔ̀ Sàlàpùmbɛ̀, a kɔa Mbákolo yɔ́ɔ̀ ɓàlè, nàà ku njá kuloŋgɔ́ swee njá kàmàlónì. ɔ Kpasi súlòwɛ nɛ́ tòò pímbà tɛkúú njàŋgu nɛ̀ dɔ̀là yewáá tè. ɔ kapi kɔa Mɔ́lòndo ɔ̰ɔ̀ yeɓɛkwyel, nɛ̀ yesáŋgà-saŋga. ɔ ba ŋgia náà wéé kɔ ɔ́ɔ̀ yembombóò, yeŋgúnàɓèmbù, nɛ̀ yémbemɔ, nàà ká kɔ̂ ɔ ba ŋgia ɔ́ɔ̀ yenjyem, nàà tola sweě ɔ ba ŋgia ɔ́ɔ̀ Njá Centrafrique, nɛ̀ nàà ɛla sweě ɔ̰ɔ̀ Njá kòŋgo básàwílí. Kɔa nu mɔ́ɔ́ bo nɛ́ yele mákówɛ wɛ́ɛ́lí nɛ̀ wɛ̀ɛ̀lì, lí yoá héà:

Wɛlɛlɛ, Sàlàpùmbɛ̀, Lavie, Koumela, libongo, Bela,Mboli, Lopondji, Mambele, Mbandjani, Yenga, Dioula, Mbateka II, Mbateka I, Mbangoye II, Mbangoye I, Banana, MakokaII, Makoka I, Pezam, Mopoulo, New-Town.

MBOA GBESANA COCELMOL

Mɔɔ dɛ̂ nɛ è yeɓáŋgàndò à bi a gbesana yáma tóa nu ɓáŋgàndò ǒ, mà gbesana kénda báá tɛ̀ kà i ɓɛɛɗí è Cocelmol. Yemá yewi bóa báá tɔ̀tàwɛ a taŋga yeɓáŋgàndò mɔɔ pɛ́ɛ̀ nàà ɓɛ̀ gbesaná kà i ɓɛɛɗí CABTAL a yamá pìò yemɔ́, mɛ́ yeyɛlɛ mɔ́kànɔ Njámbe, kìɓòsò nu ɓáŋgàndò a nu fálàsi, tɛkúú yama yedáu mɔɔ tóò nu ɓáŋgàndò.

Ɓɛ̀ gbesaná ŋgɔ́ è COCELMOL ká bo mɔɔ yámì yenu Mɔ́londo ǎ, bo dáàwɛ nɛ́ mà gbesana a jáàwɛ ká bo nɛ́ wi ɓúkɔ.

1- Mwàà dáà taŋga

2-Mwàà ɓándì mwàà dáà taŋga

3- Mwàà tòò mɔ̀

4-Mwàà ɓánìnì pátà

5- Yeɓó sèɓì ɗìŋgala

6- Kuùlaùwe

7- Yeɓó hà mbwàlà wààtà.

Nàà yeɓó dɛ̀ tò ǒ, bo nɛ́ mwàà kómìndì yòà, bo nɛ́ yeɓó kòmìndì yeyékèlè wɛ̀ɛ̀lî, yeɓó kìɓìsì nu fálàsi a nu ɓáŋgàndò bo wánaali, yeyékèlè bo ɓúkɔ, yeɓó wèlì wèè gbááwéé Njámbe bo wɛ́ɛ́lì, nɛ̀ ɓò kìɓìsì nu ɓáŋgàndo a nu fálàsi bo wɛ́ɛ̀lì

Jɔ̀ɔ̀mɔ̂

Jɔ̀ɔ̀mɔ́ COCELMOL bo mɔ dɛ̂ nɛ è yeɓáŋgàndò à i wèè Njámbe a tɛkilimɔ̂.

Gwèàmɔ̂

Ì Jɔ́ɔ́ yeɓáŋgàndò a duŋgówɛ kíɓòsòwɛ nɛ́ gbààwé Njámbe, kà yoá kuu ɓɛ́ gbààwé ŋgɔ̌ mɔɔ mgbáàŋgì nɛ ɛlɛ́ nɛ ɛ́li.

Swɛɛ mɔ̂

Ì jɔ́ɔ́ kumá Njàmbe a sokó yeɓáŋgàndò, wi nɛ́ wi à dú bùlòwɛ nɛ̀náǎ wi yéle a tɛ Njámbe, tàà mà mɔ̀wúò, a dólà mɔ̀ nɛ̀náǎ a dúŋgowɛ diisòwɛ.

Voulez-vous partager ce que vous avez appris de cette Écriture aujourd'hui ?

Votre encouragement nous est précieux

Vos témoignages contribuent à rendre possibles des sites web tels que celui-ci.